A unidade móbil de doazón de sangue trasládase este mércores a Meirás

Permanecerá diante da cooperativa de 10 a 14,30 horas

O Concello informa á veciñanza de que a unidade móbil do Centro de Transfusión de Galicia desprazarase ao municipio este mércores 17 de febreiro. Estará diante da cooperativa de Meirás de 10 a 14,30 horas. 

Calquer persoa maior de 18 anos, que pese máis de 50 quilos e non padeza nin teña padecido enfermidades transmisibles polo sangue (VIH, hepatite B ou C…), pode doar. A doazón de sangue é un acto sinxelo que permite a moitas persoas solucionar o seu problema de saúde e mesmo salvar a súa vida.