Non o penses máis. Valdoviño ten o que estás a buscar, aínda que se cadra nin o imaxines.

As mellores ondas para practicar surf durante todo o ano.

Unha costa de vertixe.

Quilómetros de praias. Mar aberto, un horizonte interminable. Carreiros naturais. Un municipio de película, escenario xa consagrado para a sétima arte. Liberdade a dous pasos do mundanal ruído.

A que esperas? Descúbreo. Gózao. Sínteo.

Se ves en coche

A principal vía de acceso a Valdoviño é a estrada AC-566, porta de entrada dende a cidade de Ferrol. Dende a urbe naval podemos tomar dirección A Coruña, Santiago e Vigo a través da AP-9 (de peaxe) e, dende esta vía, continuar rumbo a Madrid tomando a A6 e, posteriormente, a AP-6.

Se te decides polo autobús

A compañía Monbús une Valdoviño con Ferrol, en cuxa estación poderás tomar destino a outras cidades de Galicia ou España. Se desexas máis información, podes consultar rutas e horarios nos teléfonos:

Estación da Coruña: 981 239 001
Estación de Ferrol: 981 311 370
Atención ao Cliente: 902 277 482

Se elixes o tren

Se a túa elección é o tren, terás como destino ou como punto de partida a estación de Ferrol (Avenida de Compostela, s/n) e, a partir de aí, terás que realizar o traxecto en autocar ou turismo ata Valdoviño. Podes consultar todos os posibles destinos e frecuencias nos teléfonos:

Estación de Renfe de Ferrol: 902 320 320
Estación de FEVE de Ferrol: 981 370 401

Se viaxas en avión

Os aeroportos máis próximos a Valdoviño son: Alvedro, na Coruña, a 56,8 quilómetros –AP-9 dende Ferrol-, e Lavacolla, en Santiago de Compostela, a 98,9 quilómetros –AP-9 dende Ferrol-.

Móvete por Valdoviño

Busca os mellores alugueres de vehículos e taxis de Valdoviño.

Teléfonos de Interese

Precisas contactar co concello, sanidade, farmacias, entidades de crédito e bancarias ou coa oficina de turismo?

Indicámosche tamén...

Onde comer?

Unha cociña con tradición e gusto a Galicia, pero tamén innovadora, con propostas arriscadas que lle valeron o recoñecemento a diferentes fogóns locais.
Máis aló do tradicional restaurante, abundan os mesóns e cafeterías con racións perfectas para xantar ou cear e, en moitas ocasións, pasar unha noite animada con algunha boa actuación musical.

Onde Durmir?

Valdoviño ofréceche desde cámpings a pé de praia con todos os servizos que poidas imaxinar, ata casas rurais a poucos metros da costa con ambientes realmente acolledores. Hoteis e pensións cun excelente servizo e trato e novas formas de aloxamento, como os albergues. Aquí podes consultar todas as opcións.