O alcalde, Alberto González, avanza que a antiga unitaria da Carreira acollerá a primeira acción formativa para o emprego xa no mes de maio

Valdoviño, 30 de abril de 2024. O Concello de Valdoviño vén de tramitar a inclusión do local social de Sequeiro no Rexistro de Centros e Entidades de Formación para o Emprego. Na práctica, a antiga unitaria da Carreira poderá acoller accións formativas enfocadas á inserción sociolaboral. En concreto, en 18 especialidades. Así o avanzaba o alcalde, Alberto González, nunha visita ás instalacións. Explicaba que Valdoviño amplía deste xeito o número de espazos adicados a este ámbito -ata o de agora limitados ao centro sociocomunitario-, e que a decisión adoptouse a raíz das conversas cos técnicos do Programa Integrado de Emprego da Mancomunidade.

Precisamente, acompañado na visita destes, Mónica Lamas e Pedro González, así como dos concelleiros de Servizos, Benito Vega, e Urbanismo, Sergio Saavedra, o rexedor adiantaba que no mes de maio o local social de Sequeiro acollerá a primeira acción formativa: o itinerario de Agricultura Ecolóxica do citado Programa Integrado de Emprego.

As especialidades solicitadas e aprobadas para as instalacións da antiga unitaria da Carreira son as seguintes:

-Limpeza industrial

-Limpeza e desinfección na industria alimentaria

-Limpeza de pintadas

-Atención ao cliente e calidade do servizo

-Condución de carretillas elevadoras

-Operacións básicas de caixa

-Decoración en tendas e escaparates

-Xestión básica de almacén

-Fertilización en agricultura ecolóxica

-Agricultura ecolóxica

-Defensa contra pragas e enfermidades en agricultura ecolóxica

-Explotacións agrarias na agricultura ecolóxica

-Semente de pebideiros

-Xestión de comunidades virtuais

-Manipulador de alimentos

-Alfabetización informática: informática e internet

-Entrevista de selección de persoal

-Ferramentas de Coaching