Aberta a preinscrición nos Campamentos Deportivos de Verán da Deputación
O Concello de Valdoviño ten asignadas 4 prazas para mozos e mozas de 9 a 14 anos durante a quenda do 21 ao 26 de xullo
Valdoviño, 7 de maio de 2024. O Concello de Valdoviño, a través da Concellería de Deportes, vén de abrir o prazo de preinscrición nos Campamentos Deportivos de Verán da Deputación provincial da Coruña, para os que o municipio ten asignadas 4 prazas na quinta quenda, do 21 ao 26 de xullo. O programa está dirixido a rapaces e rapazas de entre 9 e 14 anos, ambas idades incluídas, cumpridos neste 2024. Levarase a cabo no IES Rosalía Mera, onde mozos e mozas poderán participar en diversas actividades deportivas e saídas culturais ou etnográficas. A cuota a abonar é de 85 euros.
Así, as persoas interesadas en optar a unha das prazas, poden descargar a ficha da web municipal e presentar a súa solicitude xunto á documentación requirida no rexistro xeral ata o 28 de maio, incluído.
En caso de que a demanda supere a oferta levarase a cabo o sorteo das prazas en presenza da secretaria municipal.
