Xornadas formativas sobre a sede electrónica e a tramitación de subvencións
O Concello de Valdoviño, en colaboración coa Deputación provincial da Coruña, organiza dúas xornadas formativas sobre o uso da sede electrónica municipal e sobre a tramitación de subvencións.
Deste xeito, a veciñanza coñecerá como empregar a oficina dixital do Concello e os métodos de identificación que lles permiten autenticarse de maneira segura ante as administracións públicas, así como o xeito de tramitar as diferentes liñas de axudas.
A formación, impartida por un técnico da Deputación da Coruña, terá lugar o martes 4 de febreiro e o mércores 12 de febreiro no salón de plenos da casa consistorial. De 10 a 11 horas sobre o uso da sede electrónica e de 11 a 12 horas sobre a tramitación de subvencións. A participación é libre e de balde e non se require de inscrición previa.