Un total de 18 establecementos de hostalería de 7 das 8 parroquias do municipio ofrecerán as súas tapas ao prezo único de 2,5 euros

Valdoviño, 6 de abril do 2026. A partir deste venres, 10 de abril, un total de 18 establecementos de hostalería de 7 das 8 parroquias de Valdoviño participarán na segunda edición do Pasea e Tapea que organiza o Concello. O certame regresa ao calendario local con novidades. Medra en número de locais, en parroquias -suma Pantín e Vilarrube respecto a 2025-, e en días -celebrarase esta fin de semana e as dúas seguintes-. Segundo os locais, haberá 3 horarios para as degustacións: venres e sábados de 20:30 a 22:00 horas; sábados e domingos de 12:30 a 14:30 horas, e venres de 20:30 a 22:00 h, sábados de 12:30 a 14:30 h e de 20:30 a 22:00 h, e domingos de 12:30 a 14:30 h. Con cada consumición, a clientela poderá pedir a tapa do concurso, que terá un custe único de 2,5 euros.

Con cada tapa, entregarase un boleto que dará opción a participar no sorteo de 3 cestas de produtos gastronómicos do territorio -ao remate do certame-. Así mesmo, os locais porán a disposición dos clientes tarxetas para ir selando en cada un dos 18 negocios participantes. As persoas que rematen a ruta poderán votar pola súa tapa favorita e participar tamén no sorteo dunha comida ou cea no local gañador -valorada en 100 euros-.

Deste xeito, o Concello busca apoiar a hostalería local, un dos sectores clave da economía de Valdoviño, ao tempo que ofrece novos alicientes para visitar e desfrutar do territorio sobre a base da súa gastronomía.

De seguido, os establecementos participantes coas súas propostas e horarios de degustación das tapas.

LAGO

• A Torre do Lago: Do mar a Torre (sábados e domingos de 12:30 a 14:30 h)
• Pide&Pika: Tentación crocante (venres e sábados de 20:30 a 22:00 h e sábados e domingos de 12:30 a 14:30 h)
• Café Bar Piruliña: Delicatessen do mar de Valdoviño (venres e sábados de 20:30 a 22:00 h e sábados e domingos de 12:30 a 14:30 h)
• Os Dous de Sempre: ovos e zorza (venres e sábados de 20:30 a 22:00 h e sábados e domingos de 12:30 a 14:30 h)

MEIRÁS

• Casa Marino: Niño de ovo de codorniz (venres e sábados de 20:30 a 22:00 h e sábados e domingos de 12:30 a 14:30 h)
• A Madriña: Timbal de rabo de vaca ao viño tinto (venres e sábados de 20:30 a 22:00 h)
• O Bichesco: Hot dog de cocido (sábados e domingos de 12:30 a 14:30 h)
• Campo García: Panipuri recheo de longaniza (venres e sábados de 20:30 a 22:00 h e sábados e domingos de 12:30 a 14:30 h)

PANTÍN

• O Castro: Canastilla crocante de roupa vella (venres e sábados de 20:30 a 22:00 h)
• Las Olas by Pantín: Midnight Blues (venres e sábados de 20:30 a 22:00 h e sábados e domingos de 12:30 a 14:30 h)

SEQUEIRO

• A Cepa: Ovos encapotados con pastel de porro (venres e sábados de 20:30 a 22:00 h e sábados e domingos de 12:30 a 14:30 h)
• A Trasanquesa: Callos (sábados e domingos de 12:30 a 14:30 h)

VALDOVIÑO

• O Garaxe: Delicias de chocos (venres e sábados de 20:30 a 22:00 h e sábados e domingos de 12:30 a 14:30 h)
• Morriña: Roliño Morriña (sábados e domingos de 12:30 a 14:30 h)
• Kami: Brocheta de polo doce (venres e sábados de 20:30 a 22:00 h e sábados e domingos de 12:30 a 14:30 h)
• Porta do Sol: Tenreira ao caldeiro (venres e sábados de 20:30 a 22:00)

VILARRUBE

• A Taberna do Puntal: Empanada de cocido (sábados e domingos de 12:30 a 14:30 h)

VILABOA

Teleclub Vilaboa: En Vilaboa quero quedar (venres e sábados de 20:30 a 22:00 h e sábados e domingos de 12:30 a 14:30 h)