Sita na Porta do Sol, atenderá ao público durante os 7 días da semana

Valdoviño, 10 de xuño de 2022. A Oficina Municipal de Turismo abre hoxe as súas portas. Estará operativa os sete días da semana grazas á incorporación de dous técnicos de turismo, contratados ao abeiro dunha subvención procedente da Deputación provincial da Coruña. 

Durante catro meses, non só se limitarán a atender as consultas de visitantes e turistas mañá e tarde senón que tamén tomarán parte en iniciativas de promoción e dinamización turística. Así as cousas, o horario da Oficina de Turismo, ubicada na Porta do Sol, será os luns de 11 a 15 h; os martes de 15 a 19 h, e de mércores a domingo de 11 a 19 h.