As instalacións municipais emprazadas en Lago abrirán este xoves por última vez ata o próximo verán

Valdoviño, 31 de agosto do 2023. Co remate do mes, a piscina municipal de Lago pechará este xoves 31 de agosto as súas portas ata o vindeiro verán. Unhas instalacións que, dende o pasado mes de xullo, acollían de luns a venres e en horario de mañá os diferentes cursiños e actividades acuáticas da programación OcioSol que, tradicionalmente, organiza o Concello de Valdoviño, reservando as tardes, fins de semana e festivos para o baño libre. Así, a de hoxe será, por tanto, a última xornada de apertura ata o próximo ano, no seu horario tradicional de 16:00 a 20:00 horas.