Axudas de Inclusión Social

Prestación económica non periódica destinada a posibilitar ou reforzar os procesos de inclusión social das persoas solicitantes, así como atender gastos extraordinarios e urxentes en situacións de grave emerxencia que poidan desencadear un proceso de exclusión social. Terá sempre carácter subsidiario doutras concedidas para a mesma finalidade, podendo solicitarse para o pagamento de débedas de aluguer da vivenda; mellora da súa habitabilidade; dotación de mobiliario básico; cobertura de necesidades primarias de alimentación, vestido e enxoval doméstico; atención sanitaria e sociosanitaria non cuberta polo Sergas; actuacións complementarias e de acompañamento vencelladas aos itinerarios de inclusión social, e casos de trastornos relacionados coa drogodependencia.

Persoas maiores de idade, empadroadas en concellos de Galicia, que non dispoñan de ingresos suficientes para afrontar os gastos derivados da situación pola que solicita a axuda. Con carácter xeral, ingresos non superiores ao 125 % do importe do tramo persoal e familiar da RISGA, agás no caso das axudas para alimentación no que se computarán os ingresos efectivamente percibidos pola persoa solicitante e os restantes membros da unidade de convivencia.

Consellería de Política Social.

A traballadora social dos Servizos Sociais municipais orientará e informará ás persoas interesadas en todo o referente aos trámites e documentación da solicitude e, tras a presentación da solicitude, terá que elaborar a valoración social pertinente.