A iniciativa forma parte do programa de fomento do deporte local

Valdoviño, 17 de xuño do 2025. Pantín Surf Camp convida a nenos e nenas a partir de 7 anos a iniciarse no surf a través de varias xornadas formativas gratuítas na praia de Pantín. A primeira delas, este mesmo sábado 21 de xuño, e a segunda, ao seguinte, día 28. Co ánimo de facilitar a aprendizaxe dos máis cativos e cativas, propóñense sesións con grupos reducidos de 5 alumnos e alumnas, en horario de mañá -de 11 a 13 horas- e de tarde -de 16 a 18 horas-.

A iniciativa forma parte do programa de fomento do deporte que impulsan as escolas de surf autorizadas na localidade en colaboración co Concello de Valdoviño, e para participar é preciso reservar praza chamando ou enviando unha mensaxe de whatsapp ao 627 417 593.