Camping A Lagoa, en pleno paseo da praia e lagoa da Frouxeira, un dos enclaves naturais de maior valor ecolóxico.

Camping A Lagoa.

Situado en pleno paseo da praia e lagoa da Frouxeira, un dos enclaves naturais de maior valor ecolóxico do Noroeste peninsular, as instalacións foron erguidas en 2019 con todo tipo de servizos e comodidades. Todas as súas parcelas aséntanse sobre céspede natural e a súa cafetería conta cunha ampla terraza e unha bancada desde onde gozar das mellores postas de sol. A tan só uns metros, atoparemos unha pista deportiva, un parque biosaudable e un área de xogos infantil.

Os nosos servizos.

Cafetería-restaurante
Instalacións adaptadas
Wifi gratis en determinadas zonas
Duchas con sistema de auga quente eficiente
Servizo de lavandería
Punto de baleirado para autocaravanas
Recepción de 9 a 21 horas

Ten unha ampla terraza e unha bancada desde onde gozar das mellores postas de sol.

Horario

Aberto todo o ano. Horarios de recepción en inverno e máis en verán: de 9 a 21 horas.

Instalacións

68 parcelas para acampar dun mínimo de 60 metros cadrados, con céspede natural e toma de corrente; dous bungalós safari e catro tendas glamping (dúas con capacidade para catro persoas e as outras dúas para dúas persoas adultas e máis unha persoa menor).

Cal é o teu plan?

Valdoviño ofréceche desde cámpings a pé de praia con todos os servizos que poidas imaxinar, ata casas rurais a poucos metros da costa con ambientes realmente acolledores. Hoteis e pensións cun excelente servizo e trato e novas formas de aloxamento, como os albergues. Aquí podes consultar todas as opcións.

Turismo rural

Conecta. Reláxate. Aquí tes a opción perfecta para converter a natureza no teu fogar sen renunciar a todas as comodidades.

Hoteis

Os nosos hoteis ofrécenche non só unha estancia cómoda e de calidade, permitiranche vivir unha experiencia única.

Pensión residencia

Se o que buscas é un trato familiar e un ambiente inmellorable, desfrutando de todos os servizos e comodidades, esta é a túa opción.

Albergues

Unha experiencia que está a cobrar protagonismo e á que Valdoviño se apunta a través de establecementos de primeira.

Surf house

Completa a túa experiencia co mar aloxándote en establecementos onde compartir a experiencia e gozar do mellor ambiente.

Camping

Acampada, autocaravaning, bungalows de auténtico luxo, tendas glámping... todas as opcións a pé de praia e cos mellores servizos.

Área de autocaravanas

Co Atlántico no horizonte e a natureza como escenario da túa estancia, aquí tes todos os servizos posibles para unha estancia única.