O Meirás CF exercerá este ano de anfitrión do veterán torneo, no que tamén tomarán parte o CD Rosalía de Vilaboa e a SD Valdoviño

Valdoviño, 3 de agosto do 2023. O Triangular Concello de Valdoviño celebrarase o sábado 26 de agosto. Todo un clásico dos torneos de fútbol de verán, que cada ano vai rotando por un dos campos do municipio. Nesta XXXI edición, o Meirás CF exercerá de anfitrión, e os partidos disputaranse no terreo de xogo Misael Prieto. O primeiro encontro celebrarase ás 17:00 horas, e enfrontará ao Meirás CF e á SD Valdoviño. Ás 18:00 h, será o turno do CD Rosalía de Vilaboa e a SD Valdoviño e, finalmente, ás 19:00 h, xogarase o último partido entre o Meirás e o Vilaboa. Ao seu remate, celebrarase a entrega de trofeos.

Dende o Concello, promotor do torneo xunto aos clubes participantes, anímase á veciñanza e tamén ás persoas que visitan o municipio a acudir ao mesmo, un dos máis veteranos da comarca, e disfrutar deste auténtico espectáculo de fútbol.