Celebrarase no pavillón municipal do Longoiro en Semana Santa

Valdoviño, 30 de marzo de 2022. O concelleiro de Deportes, Sergio Saavedra, anunciou esta mañá a celebración da V edición do Open de Tenis Concello de Valdoviño. Será no pavillón municipal do Longoiro, en Meirás, o venres 15 e sábado 16 de abril, coincidindo coa Semana Santa. Así, o prazo de inscrición para tomar parte na competición ábrese hoxe no teléfono 696 84 45 53 (ata o vindeiro 11 de abril). 

Está aberto a todas as categorías en individual e en dobres, e a cuota de inscrición é de 5 euros para persoas de 18 anos en adiante e gratuita para menores de 18. En función dos/as deportistas anotados/as, elaborarase o calendario e informarase previamente dos cadros e emparellamentos. 

Na competición, en cuxa organización participa activamente a escola de tenis Justo al Revés, haberá trofeo para o campión e subcampión de cada categoría.