Presta asesoramento os xoves e o tlf para cita previa é 627 586 101

O Concello de Valdoviño lembra que vén de retomar o Servizo de Orientación Laboral no municipio. Un servizo que se presta no marco do programa da Mancomunidade cofinanciado polo Ministerio de Traballo e a Consellería de Emprego, xunto aos concellos de Ares, Mugardos e Neda. Así, unha orientadora laboral ofrece asesoramento os xoves ás persoas demandantes de emprego, e as persoas interesadas deben solicitar cita previa no teléfono 627 586 101.

Este servizo, en colaboración co Servizo Público de Emprego de Galicia, orienta, informa e asesora ás persoas demandantes de emprego no seu proceso de búsqueda activa de emprego e/ou formación para a mellora da súa ocupabilidade tendo en conta as características do mercado de traballo e o perfil profesional das persoas demandantes a través da: atención personalizada, motivación persoal e profesional, deseño de itinerarios personalizados de inserción, asesoramento e axuda técnica para a elaboración do CV, recursos e ferramentas para a procura activa de emprego, información e asesoramento sobre o mercado de traballo e as políticas activas de emprego, oferta formativa e programas que faciliten a mobilidade para a formación e cualificación europeas, e información e asesoramento sobre os recursos de apoio para a posta en marcha de proxectos emprendedores ou de autoemprego.