A corporación deu luz verde aos investimentos dos plans provinciais

Valdoviño, 2 de febreiro de 2024. O Concello financiará con cargo ao POS+ 2024 o arranxo de 18 camiños nas parroquias de Valdoviño, Lago, Meirás, Sequeiro e Vilarrube. Investirá 189.808,43 euros nas intervencións, o grosso dos fondos provinciais deste programa. O mesmo destino, o acondicionamento de viais, terán as axudas do POS Complementario. Neste caso, as intervencións realizaríanse noutras 13 vías de Lago, Loira, Meirás, Pantín, Valdoviño e Vilaboa. En todo caso, unha vez aprobados os proxectos, o Concello non renuncia a buscar vías de financiación alternativas para estes últimos para materializalos canto antes.

Uns e outros foron aprobados onte á tarde na sesión plenaria ordinaria cos votos a favor de PSOE e BNG e a abstención do PP. No caso das obras do POS+ actuarase ao longo de máis de 8.200 metros lineais de vías e camiños en diferentes tramos das parroquias de:

Valdoviño

Travesía da Ponte

Rúa Poeta Xerardo O Inglés

Tramo pendente Rúa Boeiro (ata a Travesía da Praia)

Rúa Xunqueira (dende a AC566 ata a Rúa Boeiro)

Rúa Atios

Tramo inicial Rúa Pintor José Leyra Domínguez

Tramo final Rúa Frouxeira

Avenida Couce Casas -entre O Pereiro e a Ladeira ata o cruce coa AC566-

Travesía do Poulo

Travesía da Carreira

Lago

Broño

Carreira

Soutovello

Meirás

Taraza

Padín

Campón

Sequeiro

Vial da igrexa de Sequeiro (dende o establecemento Mamá Piana ata a igrexa)

Vilarrube

Porto do Cabo (vial en zona de Porto de Arriba)

Unha vez reciban o visto bo da Deputación, a tramitación continuará coa licitación das intervencións de modo que as actuacións poidan estar rematadas no presente ano.

Doutra banda, os proxectos aprobados para a súa presentación ao POS Adicional da Deputación esténdense a viais nos seguintes lugares e parroquias: Lavacerido, Montefaro, O Amedo, Cooperativa de Meirás, Riobó e Carreira (todas elas na parroquia de Meirás); Coto da Pena (en Loira); As Trabes (Pantín); Cameleiro (Valdoviño); O Basteiro e Os Romeos (Vilaboa).