O acto celebrarase no auditorio da Casa da Cultura e, ó remate, entregaranse gratuítamente ao público asistente

Valdoviño, 20 de decembro de 2021. O alcalde, Alberto González, invita a veciños e veciñas a asistir este xoves á presentación do calendario municipal do 2022. O acto celebrarase no auditorio da Casa da Cultura, a partir das 20,30 horas, con entrada libre ata completar aforo.

Unha vez máis, o calendario volve a elaborarse coas imaxes tomadas pola propia veciñanza, e cada mes vai acompañado dunha paisaxe do municipio que, a simple vista, semella pertencer a outro destino, especialmente turístico, aínda que realmente son fotografías de Valdoviño.

Ao remate do acto entregarase ao público o calendario. A xornada completarase co monólogo da actriz Marita Martínez. Unha actriz cunha ampla traxectoria teatral, con participacións no cine e, tamén, nun bo número de series galegas como «Mareas Vivas» ou «Os Atlánticos».