O Concello de Valdoviño abre preinscricións nos Campamentos Deportivos de Verán da Deputación
Valdoviño ten 3 prazas asignadas no programa, dirixido a nenos/as e mozos/as de entre 9 e 14 anos
Valdoviño, 10 de maio do 2023. O Concello de Valdoviño, a través da Concellería de Deportes, vén de abrir o prazo de preinscrición nos Campamentos Deportivos de Verán da Deputación provincial da Coruña. O municipio ten asignadas 3 prazas para a primeira quenda, do 2 ao 7 de xullo. Así, as persoas interesadas en optar a unha delas, poden descargar a ficha da web municipal e presentar a súa solicitude no rexistro xeral ata o 7 de xuño, incluído.
En caso de que a demanda supere a oferta levarase a cabo o sorteo das prazas en presenza da secretaria municipal.
O programa está dirixido a rapaces e rapazas de entre 9 e 14 anos, ambas idades incluídas, cumpridos neste 2023. Levarase a cabo no IES Rosalía Mera, onde os rapaces e rapazas poderán participar en diversas actividades deportivas e saídas culturais ou etnográficas. A cuota a abonar é de 85 euros unha vez confirmada a praza.
Comentarios
