Incluirá percusión, piano, guitarra, música e movemento e canto contemporáneo

Valdoviño, 19 de setembro do 2023. O Concello de Valdoviño abre este martes o prazo de preinscrición na programación da Escola Municipal de Música coa intención de iniciar a primeiros de outubro as clases no local social de Sequeiro -a antiga unitaria da Carreira-. Haberá clases de percursión, piano, guitarra, música e movemento e canto contemporáneo. No caso dos instrumentos, están abertas a nenos e nenas a partir de 1º de Educación Primaria e persoas adultas. Música e movemento ofértase para pequenos e pequenas de 5º e 6º de Educación Infantil, e canto contemporáneo para rapaces e rapazas a partir de 3º de Educación Primaria sen límite de idade. O custe das actividades é de 10 euros ao mes -e de 15 no caso de elixir 2 instrumentos-. 

A preinscrición pode formalizarse presencialmente na casa da cultura do 19 ao 22 e do 26 ao 29 de setembro en horario de 10 a 14 h, ou online a través da sede electrónica na web municipal ata o 30 de setembro.