Pode formalizarse a través do teléfono, correo ou presencialmente

Valdoviño, 22 de outubro de 2021. O Concello de Valdoviño abre hoxe o prazo de preinscrición na Escola Municipal de Música. As actividades ofertadas neste curso 2021-2022 serán: música e movemento para nenos e nenas de entre 3 e 5 anos, e guitarra clásica ou eléctrica, piano, batería, caixón flamenco, ukelele e canto para persoas a partir de 6 anos (ou que os cumpran neste exercicio). O custe de cada actividade é de 10 euros/mes por persoa. 

O lugar de celebración é o local social da Carreira (Sequeiro) e os horarios concretaranse unha vez se peche a preinscrición. Esta pode formalizarse ata o día 28 de outubro (incluido) por varias vías: 

-No teléfono 981 48 76 66 e 645 305 229 (de 10 a 14 h)

-No correo electrónico cultura@concellodevaldovino.com (sinalando nome, data de nacemento, concello de empadronamento, teléfono, correo e sinalando se estivo matriculado/a o curso pasado)

-Presencialmente na Casa da Cultura (de 10 a 14 h)