Disputarase o sábado 31 de agosto e domingo 1 de setembro

Valdoviño, 8 de agosto do 2024. O Concello de Valdoviño anunciaba esta mañá a apertura do prazo de inscricións na cuarta edición do Torneo de Tenis Praia na Frouxeira. Unha cita deportiva coa que busca promocionar esta disciplina de raqueta e area. Celebrarase a última fin de semana do mes, o sábado 31 de agosto e domingo 1 de setembro, en categorías feminina, masculina e mixta, e nivel básico e intermedio en cada unha delas. A cuota de participación é de 15 euros por categoría, e cada participante poderá apuntarse a un máximo de 2.

A inscrición debe realizarse a través do teléfono 691 283 803, e o prazo remata o luns 26 de agosto -incluído-. A partir de aí elaboraranse os cadros e darase a coñecer o calendario de competición.