Forma parte da programación municipal “Somos e Contamos”, dirixido a mulleres de todas as idades e participación gratuíta

Valdoviño, 10 de maio de 2024. O Concello de Valdoviño abrirá este luns 13 de maio o prazo de inscrición no obradoiro sobre coidados e igualdade «O cuarto lado do triángulo», dirixido a mulleres de todas as idades. O taller forma parte da programación municipal «Somos e contamos», e está cofinanciado polo Pacto de Estado e o propio Concello. A participación é gratuíta, con inscrición previa no departamento municipal de Servizos Sociais (tel. 981 48 70 41 ext.5 ou correo servizos.sociais@concellodevaldovino.com).

Impartido por persoal técnico de Rexenerando cooperativa especializada en igualdade, o obradoiro desenvolverase en 3 sesións de 2 horas de duración cada unha, os días 29 de maio, e 5 e 12 de xuño (de 11:00 a 13:00 horas).

Os seus obxectivos son sensibilizar sobre o valor dos coidados, promovendo os vínculos interxeracionais con outras veciñas  e reflexionando sobre as transformacións no tempo.