Sen inscrición, comezará ás 12 h guiado pola escritora Andrea Barreira

 Valdoviño, 10 de outubro de 2023. No marco dos actos deseñados polo Concello de Valdoviño para celebrar o Día da Biblioteca, nenos e nenas de entre 4 e 9 anos están convidados a participar este venres no obradoiro «Onde está Amelia Earhart?». Aproveitando a ponte festiva, celebrarase na Biblio a partir das 12:00 horas, e non se require de inscrición previa. 

A actividade chega ao municipio no marco do programa Ler Conta Moito, e estará guiada pola escritora Andrea Barreira. Permitirá a nenos e nenas descubrir a vida da aviadora, rompendo así os roles de xénero. Abordarase a súa historia, deseñaranse e realizaranse avións de papel, e construirán, entre todos e todas, un mapa colectivo sobre os destinos posibles da aviadora.