A actuación dará comezo ás 12:30 horas

Valdoviño, 4 de agosto de 2022. A contorna do parque infantil da Frouxeira será escenario este domingo 7 de agosto do espectáculo de maxia de Dani García, «Tin». Dirixido a un público familiar, dará comezo ás 12:30 horas, no marco da programación cultural deseñada polo Concello de Valdoviño co apoio da Rede Cultural da Deputación da Coruña.

Dani García «Tin» presentarase ó público de Valdoviño como un viaxeiro coleccionista de linguas, procedente dalgún lugar afastado, doutro tempo ou doutro modo de facer. Para el non hai imposibles, e así o demostrará ó longo dunha hora de maxia inventiva e persoal na que seguro os aplausos estarán acompañados de risas e bocas abertas.