Autorizadas 12 escolas

O Concello de Valdoviño informou das escolas de surf autorizadas nas praias do municipio neste 2021. Serán 12, das que 8 poderán operar en todos os areais, e outras 4, en todos agás Pantín. Unha adxudicación de espazos que se axusta á ordenanza reguladora do uso de praias, e que pretende garantir unha ocupación racional e sostible das mesmas.

Así, as escolas de surf, paddle surf, bodyboard e longboard autorizadas para desenvolver a súa actividade formativa en todas as praias son as seguintes:

-Alawa Surf School

-Anpe Travel

-AsOlas no Puntal

-Beach Club Surf and Coffee

-Natura Surf Akademy

-Pantín Surf Camp

-RSM

-Valdo Surf

Doutra banda, as escolas que poderán levar a cabo a súa actividade en todos os areais, coa excepción de Pantín, son:

-Club deportivo Ravic

-Ferrol Surf School

-Grab&Go

-Tobías Roeske 

Entre os criterios de valoración que o Concello tivo en conta á hora de conceder as licenzas estiveron a calidade do servizo, a promoción do deporte, a disposición de instalacións de xeito permanente ou experiencia ininterrompida por espazo mínimo de 3 anos, ou a vinculación co municipio, entendida como a súa experiencia previa na impartición de accións formativas en anos precedentes, contribuíndo así á dimensión actual do surf en Valdoviño.