O prazo de inscrición ábrese este venres en Servizos Sociais

Valdoviño, 7 de decembro de 2021. O Concello de Valdoviño abrirá este venres 10 de decembro o prazo de inscrición no programa Concilia Nadal! Dirixido a nenos e nenas de entre 4 e 12 anos, celebrarase os días 23, 24, 27, 28, 29, 30 e 31 de decembro e do 3 ao 5 de xaneiro, en horario de 10 a 14 h, con posibilidade de ampliar de 8,30 h a 14,30 h. 

Concilia Nadal! ofrecerá xogos, multideporte, manualidades… nun ambiente de xogo colectivo e desfrute do tempo libre dende os valores do respecto e a igualdade.

As inscricións deben realizarse no departamento municipal de Servizos Sociais, chamando ao 981 48 70 41 extensión 5 (ata o 20 de decembro incluído). Así mesmo, terán preferencia as persoas empadroadas en Valdoviño, familias con actividade laboral ou supostos de familias de especial consideración (monoparental, numerosas…). A cuota é de 36,88 euros, cun 20% de desconto para irmás e irmáns participantes. 

Este programa súmase a Deporte en Nadal, co que tamén se busca axudar á conciliación neste caso a través da práctica de actividades deportivas.