O Concello activa #AgresiónOFF, un programa de prevención da violencia sexual dirixido ao alumnado de Educación Secundaria do CPI Atios

En grupos reducidos, tomarán parte nas actividades na Casa da Cultura

O Concello de Valdoviño, a través da Concellería de Servizos Sociais, activará mañá martes 20 de outubro o programa «#AgresiónOFF. Eu digo non á violencia sexual» na Casa da Cultura. Unha actividade enfocada ao alumnado de Educación Secundaria do CPI Atios de Valdoviño, que acudirá ao longo da mañá en 14 grupos con participación reducida no marco das políticas de prevención fronte á covid-19. Así mesmo, a través do stand que acompañará o proxecto a veciñanza en xeral, seguindo a mesma política de redución de aforo e garantizando as distancias interpersoais, poderá recibir información sobre o mesmo.

O stand permanecerá na Casa da Cultura entre as 10 e as 15 horas e a campaña está organizada pola Secretaría Xeral de Igualdade, coa colaboración do Concello.

As actividades previstas xirarán en torno aos estereotipos de xénero, o establecemento das relacións socioafectivas os mitos do amor romántico e os mecanismos das multiples manifestacions da violencia machista.

 

 

.