Programada para as persoas participantes nas aulas de estimulación cognitiva, Cultura abre o pase ao público en xeral maior de 12 anos

Valdoviño, 26 de novembro do 2025. Dentro do Ciclo Mestre Mateo, o auditorio da casa da cultura acollerá mañá xoves a proxección da longametraxe «Honeymoon». Será a partir das 11 horas, e aínda que a Concellería de Cultura programou a sesión para os veciños e veciñas que participan semanalmente nas aulas de estimulación cognitiva, como parte da programación, abre o pase ao público en xeral, maior de 12 anos, interesado no filme.

Dirixida por Enrique Otero, conta entre os seus actores e actrices principais con Javier Gutiérrez, Nathalie Poza, María Vázquez, Silvia Sirui, Fernando Albizu, Antonio Durán «Morris» e Pablo Derqui. A cinta aborda a historia de Eva e Carlos, un matrimonio en destrución, só unidos polo fillo que un día tiveron xuntos.