A Frouxeira acolle ata o día 5 de setembro o Campionato de España de Surfing

A primeira xornada do Campionato de España de Surfing que se celebra na praia da Frouxeira concluía no día de onte co cántabro Álvaro Casanova no máis alto do pódium, proclamándose novo campión de España na categoría sub12. Un pódium final que completaban Oinatz Ortega, Marco Albacete e Samuele Agliani. Ata o areal desprazábanse o alcalde de Valdoviño, Alberto González, e o concelleiro de Deportes, Sergio Saavedra, para presidir o acto de entrega de trofeos. 

A competición continúa hoxe no areal, e toda a información está dispoñible a través da páxina web oficial da federación www.cesurf.es ou a través das súas redes sociais