Preto de 300 deportistas competirán ao longo das próximas 2 semanas

Valdoviño, 19 de agosto de 2022. O Campionato de España de Surfing arranca esta fin de semana en Valdoviño coas competicións das categorías junior. Mañá sábado, A Frouxeira acollerá a partir das 11:00 horas a proba dos sub14 masculino e a partir das 15:00 horas do sub 12 masculino. Así mesmo, na xornada do domingo, a competición dará comezo sobre as 8:30 horas, coas categorías sub 14 e sub 12 feminino, e xa pola tarde, a partir das 18 horas, principiarán as probas do bodyboard por equipos autonómicos e o Open feminino sub18. A partir de aí, o campionato proseguirá o luns 22 e o martes 23 co Campionato de España de Surf por equipos autonómicos. Mércores 24 e xoves 25 de agosto completaranse as probas das diferentes categorías junior. E, finalmente, do 2 ó 4 de setembro, disputaranse as categorías open masculina e feminina e máster, cos aspirantes a converterse nos e nas mellores surfistas nacionais.

No seu conxunto, tomarán parte na cita cerca de 300 deportistas de toda España. 

Así mesmo, no marco do campionato, desplegaranse diferentes actividades de lecer, centradas no medio ambiente, e dirixidas ó público en xeral. Entre elas, charlas e obradoiros, así como a apertura do Green Wave Market. 

+info: https://cesurf.es/