Ata 31 deportistas de 21 disciplinas foron galardoados na cita, na que tamén se fixo entrega de 18 mencións de honra

Valdoviño, 23 de maio do 2025. Nerea Penabad e Lidia Vellón foron proclamadas as mellores deportistas do ano na VI Gala do Deporte de Valdoviño, celebrada esta tarde-noite no auditorio da casa da cultura. O alcalde, Alberto González, entregáballes o galardón ao final do evento, que volveu colgar o cartel de aforo completo. Nesta ocasión, a cita estivo conducida pola xornalista deportiva Sara Massa, e arrincaba cunha magnífica actuación de danza, un guiño ás mellores deportistas do ano. Toman o relevo do arqueiro internacional Adrián Orjales, tras asinar unha brillante tempada deportiva que aínda pode mellorar neste 2025, xa que o vindeiro mes disputarase o mundial de danza, no que teñen moitas opcións. Integrantes do Club de Baile Deportivo Un paso adelante, conquistaron co grupo de danza coreógrafica Revolution UPA o WDSF World Championship Youth (Cambrils, marzo 2024). Tamén o WDSF European Championship Youth (Belgrado, outubro 2024), ademais de subir ao máis alto do pódium no Campionato Galego (O Porriño, novembro 2024) e no Campionato de España (Guadalajara, decembro 2024).

A entrega do galardón poñía o broche de ouro a unha velada que arrincaba coas intervencións do concelleiro de área, Sergio Saavedra, e da deputada provincial de Industria, Medio Ambiente, Empresa e Reto Demográfico, Rosana García. A partir de aí, o Concello daba a coñecer o nome dos mellores deportistas nas diferentes disciplinas, ademais das mencións de honra. Estes foron os galardoados e galardoadas:

-Atletismo: Carmen Paredes

-Balonmán: Hugo Piñón

-Bodyboard: Rosalía Pico e Lucas Domínguez

-Caza deportiva: Brais Gómez

-Fútbol: Alejandro Alonso, Adrián Fernández e Alejandro Fernández, e Laura Testa

-Hípica: Erika Ramos

-Judo: Mario Tenreiro e Amelia Tenreiro

-Kaiak polo: Samuel Franco

-Boxeo: Hugo Dopico

-Kickboxing: Daniel Blanco e Paula Rodríguez

-Motociclismo: Ían Fernández

-Natación: Lucía Villarnovo e Mario Maneiros

-Pesca deportiva: Sandra Dopico e Roi Martínez

-Pickleball: Ángel Vilar

-Remo adaptado: Iván Sedes

-Remo: Alejandro Díaz

-Skateboarding: Erea Ferreiro e Mateo Sanmartín

-Surf: Lara Rico e Marcos Domínguez

-Tenis de mesa: Celia Sanz

-Triatlón: Diego González

-Ximnasia artística: Lucía Vilar

Mencións especiais:

-Apoio ao deporte: José Luis Campos

-Toda unha vida adicada ao deporte: Miguel Romero

-Proxección internacional 2024: Ana Alonso

-Promoción do deporte base 2024: Meirás CF

-Formación deportiva 2024: Jesús Peña

-Proxección 2024: Elisa Vilar

-Dedicación 2024: Felipe Pita

-Progresión 2024: Iago Ulla

-Esforzo e constancia: Álvaro Casariego

-Aposta por Valdoviño: Antonio Daniel Muller

-Promesa 2024: Candela Pérez

-Conxunta aos valores no deporte 2024: Adrián Orjales e Antonio Manuel Hermida

-Traxectoria deportiva: Óscar Montes

-Progresión no deporte: Álvaro Fraga

-Embaixadores mundiais de Valdoviño: Pantín Classic

Por último, o alcalde, Alberto González, felicitaba a todos os premiados, e reafirmaba o compromiso do Concello de Valdoviño co deporte, unha prioridade na axenda da xestión municipal. Un compromiso que continuará traducíndose en actividades, organización de competicións e programas de fomento de hábitos saudables, e tamén investimentos en infraestruturas deportivas. Por último, e como o fixera previamente o concelleiro de Deportes, agradecía enormemente o labor desinteresado do xurado da gala, integrado polos xornalistas deportivos Elba de la Barrera (La Voz de Galicia), Juan Quijano (Diario de Ferrol), Raúl Salgado (Cadena Ser) e Adán Puentes (Galicia Ártabra Digital). Un xurado coordinado polo técnico de Deportes, que o tivo realmente compricado coas candidaturas presentadas pola veciñanza, clubs e asociacións.