A inscrición, gratuíta, deberá formalizarse no local da AVV durante a xornada previa ou dende unha hora antes do inicio da actividade

Valdoviño, 9 de agosto do 2024. A Asociación de Veciños avanza a celebración da XXX edición da Volta Ciclista a Meirás para o domingo 18 de agosto. Un percorrido para desfrutar das fermosas paisaxes que nos ofrece Meirás dirixido a persoas de todas as idades, nenos e maiores. Para animar á participación, a entidade veciñal repartirá numerosos trofeos e sorteará bicicletas, grazas á colaboración de diferentes firmas comerciais como a Cooperativa de Meirás, Cándido Hermida, Juan Feal, Ciclos Roca, Restaurante Os Percebes e +Fisio.

A inscrición na cita, na que colabora o Concello de Valdoviño, é gratuíta, e deberá realizarse o sábado 17 de agosto de 19:00 a 20:00 horas no local social, ou o mesmo domingo 18 dende unha hora antes da saída, prevista para as 10:30 horas.