O acto celebrarase na casa da cultura, ás 13:00 horas

Valdoviño, 3 de xullo de 2024. O cantautor e fotógrafo Marcos Mella inaugura este xoves en Valdoviño a súa exposición «A arte dos golfiños». Unha mostra detrás da que se agocha unha historia moi especial vivida hai un ano polo artista afincado en Valdoviño, cando realizando unha reportaxe fotográfica sobre unha regata de embarcacións tradicionais na ría de Ferrol, se ven rodeados dunha familia de 16 golfiños. Un encontro que dura 20 minutos e que Marcos Mella capta a través de preto de 200 imaxes. 25 delas poderemos velas a partir deste xoves no noso concello.

No acto de inauguración, que se celebrará a partir das 13:00 horas na sala de exposicións da casa da cultura, o fotógrafo non só guiará ao público pola súa mostra, senón que tamén compartirá con el a historia alí retratada.