Un centenar de atletas de todas as idades tomaron parte esta mañá na cita organizada polo Concello de Valdoviño no paseo da Frouxeira

Valdoviño, 22 de setembro do 2024. Jorge Garrido e Carla Irles proclamáronse vencedores esta mañá da XI Milla Urbana de Valdoviño. Venceron na categoría sénior dunha carreira na que tomaron parte 99 atletas de todas as idades. O paseo marítimo da Frouxeira, entre o parque infantil e o inicio do paseo de terra, pechouse ao tráfico rodado para converterse na pista de atletismo sobre a que os deportistas foron cubrindo as diferentes distancias marcadas segundo a categoría, dende os 100 metros dos biberóns ata os 1.609 dos veteráns. Numeroso público achegábase á contorna da praia e lagoa para seguir a cita, que foi un ano máis unha auténtica festa na que desfrutar deste privilexiado espazo e practicar hábitos saudables a través do deporte.

Ao seu remate, o concelleiro de Deportes, Sergio Saavedra, presidía a entrega de trofeos xunto aos seus compañeiros de Obras, Alejandro García, e Servizos, Benito Vega. Todos os nenos e nenas da categoría biberón recibiron medalla, así como os tres primeiros clasificados nas restantes.

Así quedaba a clasificación:

Alevín 

Feminina: Cecilia Benasach López

Masculina: Adrián López Andrade

Infantil

Masculina: Miguel Benasach López

Benxamín

Feminina: María Benasach López

Masculina: Miguel Ríoseco Cuerpo

Cadete

Feminina: Paula Fojo García

Masculina: Édgar Leira Cancho

Junior

Feminino: Emma Vázquez Purriños

Promesa

Feminina: Cristina Rodríguez López

Masculina: David Campos Fernández

Senior

Feminina: Carla Irles Castro

Masculina: Jorge Garrido

Veterán 1

Feminina: Silvia Coba Martínez

Masculina: Pablo Piñeiro

Veterán 2

Feminina: Laura Núñez Naveira

Masculina: Mario López Paz

Veterán 3

Feminina: Fani Ferreiro Oreona

Masculina: José Ángel López Villar

Veterán 4

Masculina: José López Aneiros

O Concello de Valdoviño agradeceu especialmente o apoio de Protección Civil e Policía Local no dispositivo de seguridade activado durante a milla.