O obradoiro celebrarase os días 18 e 19 de xuño, con participación gratuíta

Valdoviño, 4 de xuño do 2025. A Deputación da Coruña convida a axentes turísticos, produtores locais, guías e responsables de aloxamentos e restauración a participar no Taller: Creación de Experiencias Turísticas no Territorio do Xeoparque Cabo Ortegal. O seu obxectivo é capacitar ás empresas no deseño e promoción de experiencias combinadas, sostibles e adaptadas, como paso previo á elaboración do Catálogo de Experiencias Turísticas do Xeoparque. Con participación gratuíta, e prazas limitadas, o obradoiro celebrarase o mércores 18 e o xoves 19 de xuño, de 9:00 a 14:30 horas, na Aula do pavillón municipal de Cedeira.

Se estades interesados, podedes realizar a inscrición a través do formulario online e, para consultas ou ampliar info, contades co correo info@observersciencetourism.com

Esta acción inclúese no Plan de Recuperación, Transformación e Resiliencia financiado pola Unión Europea-NextGenerationEU.