A Asociación de Mulleres do Rural María del Mar Becerra organiza a cita co apoio do Concello

Valdoviño, 27 de decembro de 2023. O Feirón regresará este domingo a Valdoviño. A Asociación de Mulleres do Rural María del Mar Becerra, que organiza a cita co apoio do Concello, anuncia a celebración do último mercadillo do ano, especial Nadal. Así, a explanada situada fronte á Casa Joselito, na Porta do Sol, acollerá por última vez neste 2023 os diferentes postos de venda durante toda a mañá. Como é habitual, haberá dende roupa e calzado ata produtos da horta, alimentación… e potenciais agasallos de cara á noite de Reis. Unha mañá de compras e tamén unha boa ocasión para almorzar ou tomar un refresco nos negocios de hostalería.