Dezaoito locais de hostalería convidan á cidadanía a Pasear e Tapear por Valdoviño
O certame que promove o Concello de Valdoviño arrinca este venres
Valdoviño, 9 de abril do 2026. A segunda edición do Pasea e Tapea por Valdoviño arrinca este venres 10 de abril coa participación de 18 establecementos de hostalería de 7 das 8 parroquias do municipio. Por diante, tres fins de semana para desfrutar da localidade a través das propostas da súa restauración, que aúna receitas da cociña tradicional galega con outras máis anovadoras. As tapas serviranse ao prezo de 2,5 euros, e cada cliente recibirá con elas un boleto para cubrir e entregar en urna, optando ao sorteo de premios -tres cestas con produtos gastronómicos do territorio-. Así mesmo, quen complete o percorrido pola totalidade dos establecementos e vaia selando en cada un a tarxeta do certame, poderá elixir a súa tapa favorita e optar a unha cea ou comida valorada en 100 euros no local gañador.
Haberá nesta edición tres horarios para as degustacións, segundo os locais. En base a estes, a relación de establecementos participantes, coas propostas, é a seguinte:
APERTURA LOCAL
VENRES E SÁBADOS DE 20:30 A 22 H E SÁBADOS E DOMINGOS DE 12:30 A 14:30 H
Pide&Pika: Tentación crocante
Café Bar Piruliña: Delicatessen do mar de Valdoviño
Os Dous de Sempre: ovos e zorza
Casa Marino: Niño de ovo de codorniz
Campo García: Panipuri recheo de longaniza
Las Olas by Pantín: Midnight Blues
A Cepa: Ovos encapotados con pastel de porro
O Garaxe: Delicias de chocos
Kami: Brocheta de polo doce
Teleclub Vilaboa: En Vilaboa quero quedar
VENRES E SÁBADOS DE 20:30 A 22 H
A Madriña: Timbal de rabo de vaca ao viño tinto
O Castro: Canastilla crocante de roupa vella
Porta do Sol: Tenreira ao caldeiro
SÁBADOS E DOMINGOS DE 12:30 A 14:30 H
A Torre do Lago: Do mar a Torre
O Bichesco: Hot dog de cocido
A Trasanquesa: Callos
Morriña: Roliño Morriña
A Taberna do Puntal: Empanada de cocido
