Preto de 60 establecementos participan na iniciativa, converténdose en protagonistas da campaña en redes e premiando a fidelidade da clientela con sorteos de vales canxeables por valor de 700 euros

Valdoviño, 8 de novembro do 2024. Concello de Valdoviño, comerciantes e profesionais alíanse de novo para a posta en marcha dunha iniciativa de dinamización do sector. Preto de 60 establecementos de moi diversos ámbitos participan na campaña, baixo o lema «En Valdoviño… adiantamos o Nadal». Desenvolverase ao longo de novembro, un mes tradicionalmente frouxo en ventas, coa idea de animar a veciños e veciñas a adiantar as súas compras, e culminará coincidindo coa primeira fin de semana de decembro, na ponte da Constitución e data tradicional do acendido do alumeado de Nadal. Así mesmo, a iniciativa quere recompensar a fidelidade dos compradores habituais e, ao mesmo tempo, servir de acicate para ampliar a clientela, buscando que tanto a xente que vive como a que pasa pola localidade elixa mercar en Valdoviño.

Deste xeito, a campaña iniciábase esta semana nas redes sociais municipais, convertendo de novo a comerciantes e profesionais nos protagonistas, dando ideas de posibles agasallos navideños ou servizos imprescindibles nesas datas. A partir do luns 11 de novembro, os negocios adheridos comezarán o reparto de rifas entre os clientes que realicen un gasto mínimo de 10 euros (ata o 20 de novembro). Deben cubrir os boletos e entregalos nas urnas habilitadas na casa consistorial (de 9 a 14 h) ou na casa da cultura (de 10 a 14 e de 16 a 20 h). O 21 de novembro, ante a secretaria municipal, realizarase o sorteo de 5 cheques de 100 euros cada un canxeables no comercio local.

Ademais, os clientes tamén poderán optar a un segundo sorteo dun cheque de 200 euros. Neste caso, deben ir gardando os tickets das compras realizadas entre o 11 e o 30 de novembro. Se reúnen tickets por valor de 100 euros poderán entregalos entre o 28 de novembro e o 4 de decembro nun sobre pechado indicando no interior da solapa o teléfono de contacto. O sorteo realizarase o 5 de decembro.

O colofón da campaña terá un marcado carácter solidario, Concello e comerciantes farán unha doazón económica a unha entidade sen ánimo de lucro radicada en Valdoviño. Neste caso, o importe da doazón dependerá da participación da veciñanza na campaña, e a máis rifas entregadas en urna, maior cuantía recibirá a entidade.

Os negocios participantes son:

• Librería Xeila
• Confitería Campeiras
• Peluquería Amancio
• Eroski Center
• Talleres PF Ladeira
• Gran Casa China
• Herrería Jaime
• Frutas Chantarela
• Talleres Díaz
• Electro Agro Valdoviño
• Farmacia Casariego
• Muebles Valdoviño
• Electrodomésticos Nito
• Carne&Co.
• Agrogar
• Tienda Nieves Llago e hijo Juan
• Despeluxada
• Dental Couce
• Con fío de Inés
• Bea Cobelo Centro de estética
• Maranello estilistas
• Centro Podológico Valdoviño
• Farmacia Portela
• Rehafis
• Rainbow Idiomas
• DIA Valdoviño
• Floristería Luz
• Tenda da Morriña
• Cooperativa de Meirás
• Farmacia Álvarez Almodóvar
• Carnicería Casa Félix
• Talleres Queira
• +Fisio
• Clínica Podológica Ana Alvariño
• Meirás clínica dental
• Peluquería María José
• Covirán Suárez
• Peluquería Eva Feal
• Panadería Meirás
• Lavandería Valdoviño
• Aluminios Lago
• Cooperativa de Lago
• Gairesa
• Autoservicio O Castro
• Lupe Rodríguez estilistas
• Centro ecuestre Cabaliño do Lago
• Paintball A Lagoa
• Viveros Rey
• A tenda da Carreira
• Farmacia Covadonga Gutiérrez
• O forno da Carreira
• Panadería Alex
• Cooperativa de Vilaboa