Para optar ao cheque de 200 euros, veciños e veciñas deberán reunir tickets de compra por valor de 100 euros e entregalos nun sobre nas urnas da casa consistorial ou casa da cultura ata o 4 de decembro

Valdoviño, 27 de novembro do 2024. A campaña de dinamización do comercio local «En Valdoviño… adiantamos o Nadal» encara a súa recta final, e a partir de mañá xoves 28 de novembro, ábrese o prazo para o segundo sorteo da iniciativa. Neste caso, dun cheque-agasallo por valor de 200 euros canxeable nos preto de 60 establecementos locais adheridos ao proxecto. Para participar, veciños e veciñas deben reunir tickets das compras realizadas dende o 11 ao 30 de novembro por valor de 100 euros -poden ser dun ou de varios negocios-, metelos nun sobre, apuntar o seu número de teléfono, e depositalo nas urnas que se instalarán de novo na casa consistorial -de 9 a 14 h- e na casa da cultura -de 10 a 14 e de 16 a 20 h-. Ata o mércores 4 de decembro incluído. Ao día seguinte, xoves 5 de decembro, realizarase o sorteo e darase a coñecer á persoa gañadora.

Trátase do segundo sorteo da campaña, que arrincaba a principios do mes de novembro nas redes sociais, convertendo unha vez máis aos comerciantes e profesionais locais en protagonistas. Continuaba cun primeiro sorteo de 5 vales canxeables de 100 euros entre as máis de 8.700 rifas entregadas pola veciñanza, e que foron parar a Alba María Pérez, Alejandro López, Ana Ameneiros, Isabel Felgar e Verónica Doce.

Con esta iniciativa conxunta de comerciantes e Concello, búscase animar as compras entre a veciñanza nun mes tradicionalmente frouxo como novembro, e atraer nova clientela a través de incentivos como os vales-agasallo. Así mesmo, o proxecto conta tamén cunha parte solidaria, xa que terá como colofón a entrega dun cheque por valor de 500 euros á delegación local de Manos Unidas, recentemente constituída en Valdoviño. Unha contía que se marcaba como reto na campaña se a veciñanza entregaba un mínimo de 1.000 rifas no primeiro sorteo, superándose amplamente ao alcanzar as máis de 8.700.

Os negocios participantes na campaña son:

• Librería Xeila
• Confitería Campeiras
• Peluquería Amancio
• Eroski Center
• Talleres PF Ladeira
• Gran Casa China
• Herrería Jaime
• Frutas Chantarela
• Talleres Díaz
• Electro Agro Valdoviño
• Farmacia Casariego
• Muebles Valdoviño
• Electrodomésticos Nito
• Carne&Co.
• Agrogar
• Tienda Nieves Llago e hijo Juan
• Despeluxada
• Dental Couce
• Con fío de Inés
• Bea Cobelo Centro de estética
• Maranello estilistas
• Centro Podológico Valdoviño
• Farmacia Portela
• Rehafis
• Rainbow Idiomas
• DIA Valdoviño
• Floristería Luz
• Tenda da Morriña
• Cooperativa de Meirás
• Farmacia Álvarez Almodóvar
• Carnicería Casa Félix
• Talleres Queira
• +Fisio
• Clínica Podológica Ana Alvariño
• Meirás clínica dental
• Peluquería María José
• Covirán Suárez
• Peluquería Eva Feal
• Panadería Meirás
• Lavandería Valdoviño
• Aluminios Lago
• Cooperativa de Lago
• Gairesa
• Autoservicio O Castro
• Lupe Rodríguez estilistas
• Centro ecuestre Cabaliño do Lago
• Paintball A Lagoa
• Viveros Rey
• A tenda da Carreira
• Farmacia Covadonga Gutiérrez
• O forno da Carreira
• Panadería Alex
• Cooperativa de Vilaboa