Completas as prazas para participar na primeira etapa

Valdoviño, 26 de marzo do 2026. En menos de 24 horas, completáronse as 25 prazas que o Concello de Valdoviño ofertaba para a primeira etapa da Ruta Costeira, que se celebrará o venres 3 de abril entre Porto do Cabo (Vilarrube) e o Miradoiro de San Xiao (Pantín). Dende a Concellería de Cultura e Turismo valórase moi positivamente a resposta da cidadanía a esta nova iniciativa, que estará guiada pola firma Portal Norte, e avanza que nas próximas semanas abrirá prazo de inscrición para anotarse na segunda e terceira etapa, entre o Miradoiro de San Xiao e a praia de Outeiro (Lago), e entre esta e a praia de Campelo (Meirás), respectivamente.