Preto de medio centenar de nenos e nenas participarán nos campamentos

Valdoviño, 1 de xullo de 2022. O programa Concilia Tempos Verán! deu comezo esta mañá en Pantín coa participación de 45 nenos e nenas de entre 4 e 12 anos. Uns campamentos cos que o Concello busca axudar ás familias a conciliar a vida laboral e o coidado dos fillos e fillas durante os meses de xullo e agosto. O escenario elixido volve ser o local social de Pantín, con saídas previstas á contorna natural e praia. 

Celebrarase de luns a venres de 10 a 14 h -con horario de entrada dende as 8 :30 h-, e a programación dos campamentos inclúe xogos, manualidades, deportes e a exploración do medio natural, con tempos para o xogo libre e os paseos pola contorna.