Modelos para solicitude de descontos no canon da auga
Os veciños de Valdoviño poden solicitar descontos ao canon da auga dende este luns 8 de abril.
Os modelos de solicitude de deducción para familias numerosas, de solicitude de exención por estar en situación de exclusión social e de solicitude para acreditar o número de persoas na vivenda están a disposición dos veciños nas oficinas municipais (Porta do Sol, s/n) e nesta mesma web (Desconto no canon da auga).
Os descontos que se poden aplicar son os seguintes:
- 50% a familias numerosas.
- 90% a comunidades de usuarios (traídas veciñais) e captacións propias.
Dende o Concello queremos aclarar que cada veciño poderá consumir un volumen de 2.000 litros o mes sen ter que pagar canon da agua por ese consumo, de maneira que nunha vivenda tipo de tres personas, os 6.000 litros non pagarán canon da agua. É o que se denomina tramo social.
Tamén conven aclarar que os efectos de aplicar o canon da auga non é necesaria a instalación dun contador se a vivenda se abastece de captacións propias (pozo, manantial, etc) ou de comunidades de usuarios, xa que a propia lei prevé a posibilidade de determinar o volume que se consume nunha vivenda por estimación obxetiva en base as dotacións básicas de auga para vivendas que se establecen nos instrumentos de planificación hidrológica, e que os veciños que teñan un pozo non deben presentar ningún tipo de declaración para o canon da auga.
- Inicie sesión para enviar comentarios
