Espectáculo no Festival Open Pantín Surf Camp
Por segundo ano consecutivo o Festival Open Pantín Surf Camp disputouse como proba valedeira para o circuito galego de Surf, Longboard e Paddel.
Alta inscripción e boas condicións de ondas nesta proba que contou coa colaboración do Concello. Aínda que os pronósticos non eran nada bos, Pantín, como é habitual, permitiu ver espectáculo.
Dende primeira hora do sábado os riders de surf open demostraron estar a un nivel incríble, como demostran as puntuacións das 10 mellores ondas do evento.
| Marcos Heinrich | 9 |
| Miguel Pérez Moneo | 8,5 |
| Marcos Heinrich | 8,5 |
| Pablo Montero | 8,5 |
| Gonzalo Fernández | 8 |
| Emerson Martíns | 8 |
| Marcos Heinrich | 8 |
| Guillermo Gómez | 8 |
| Luis Rodríguez | 8 |
| Óscar Prieto | 8 |
As mangas sucedíanse, con combinacións altas e resultados axustados.
Xa no quinto octavo de final Marcos Hinrich (a gran nivel neste campeonato) marcaba 17 puntos (a mellor combinación do campeonato), que ata enton ostentaba un espectacular Miguel Pérez, que nunha das súas praias habituais lograba colarse por primeira vez nunha final open, e non so iso, senón quedar segundo cunha combinación de 10,5 puntos, a tan so un punto do vencedor por segundo ano consecutivo, Luis Rodríguez, que con 11,5 puntos de combinación revalidaba título.
Ademais dos dous surfistas ferrolanos completaron a final Chumi García (a grandísimo nivel cunha semifinal incríble) e Pablo Montero, un habitual das finais e actual campión galego, que por unha interferencia de remada o inicio da manga quedaba sen opcións.
Moi destacable o papel de Miguel, que viña de gañar en Foz o seu primeiro junior no circuito galego. Tamén moi destacable o papel de Martín Cortijo, que se colaba nunhas semifinais.
Óscar Prieto e Nico Pérez tamén fixeron un gran contest quedando apeados en semifinais. Por suposto destacar o papel de Erika, que demostrou estar ao nivel do surf maculino sen problema, pasando de segunda a súa manga de oitavos cunha combinación de 8 puntos.
En resumo un campionato moi disputado, con momentos de boas ondas e coa satisfacción de ter a dous ferrolanos na gran final.
En féminas destacou coma sempre Erika, que nunha única manga final marcou 6 das des mellores ondas de toda a final, seguida de Paula Paz e Isabel Gundín, que marcaron a mesma combinación de onda, quedando a rider "de la vieja escuela" segunda ao desempatar pola terceira mellor onda. Completaron esta final Alba Rodríguez e Blanca García.
Resultados
Surf Open Masculino
1º Luis Rodríguez
2º Miguel Pérez
3º Chumi García
4º Pablo Montero
Surf Open Femenino
1ª Erika Franco
2ª Paula Paz
3ª Isabel Gundín
4ª Alba Rodríguez
5ª Blanca García
Espectacular ambiente na xornada do domingo, donde o pequeno tamaño das ondas fixo que brillasen a un gran nivel os riders clásicos de longboard.
Durante toda a mañá o repertorio de maniobras clásicas fixo as delicias dos afeccionados e participantes.
Así, citábanse na final un destacadísimo Yago Baz, que finalmente resultaría vencedor na súa volta a competición por todo o alto; un brillante Alvite, tamén de regreso; un sempre presente Ruffo Navarro e un entonadísimo Mou.
Destacou a eliminación de Nestor en semifinais por primeira vez en moito tempo, o que demostrou que calquera pode caer a mans destes excelentes riders.
Tamén destacar a presencia do “Gromet” Iago Formosel que demostrou estar a altísimo nivel e que en breve porá as cousas moi difíciles a todos os veteranos.
Resultados:
Longboard
1ª Yago Baz
2º Daniel Alvite
3º Ruffo Navarro
4º Alberto Mouriño
En Paddel os rides demostraron o alto nivel deste deporte que temos en Galicia.
Román Camba non deu tregua os seus rivales na final, na que destacou a presencia de Sofía Andrade que brillou a gran nivel durante toda a proba.
Resultados
Paddleboard:
1º Román Camba
2º Guillermo Carracedo
3º Marcos Almón
4ª Sofía Andrade
Pódese ver unha pequena galería de imaxes na web da Federación Galega de Surf.
- Inicie sesión para enviar comentarios
