- Galego
- Español
- English
Actuacións de embelecemento do litoral galego: Mapa-guía interactiva turística do Concello
O 5 de febrero de 2024 DOG Núm 25 pola Axencia de Turismo de Galicia-Xunta de Galicia publícase a resolución do 26 de decembro de 2023 pola que se establecen as bases reguladoras da concesión, en réxime de concorrencia non competitiva, das subvencións dos concellos para actuacións de embelecemento do litoral galego , no marco do Plan de recuperación, transformación e resiliencia, financiado pola Union Europea NextGenerationEU
O Concello de Valdoviño presenta una proposta de desenvolvemento dunha guía turística dixital baseada nun conxunto de mapas interactivos web que complemente as diferentes actuacións de difusión coas que conta, para chegar ás persoas que visitan este territorio. Sen dúbida una oportunidade xa identificada que resolve un déficit tecnolóxico en canto a ferramentas de comunicación dixital dos valores turísticos do concello.
Descrición do proxecto
Preténdese crear unha ferramenta dixital para a cidadanía que poña en bandexa de xeito moi efectivo todo o potencial turístico do Concello a través de mapas dixitais interactivos.
Búscase que estes mapas interactivos ofrezan unha experiencia de usuario excelente conseguindo que os cidadáns adiquen tempo a explorar, descubrir e comprender o valor turístico do noso territorio.
Os técnicos do noso Concello terán a capacidade de xerar tantos mapas temáticos interactivos como desexen e distribuílos dixitalmente a través de diversos medios:
- Na sinalética e folletos turísticos do Concello a través de códigos QR.
- Integrados nas seccións turísticas da web www.concellodevaldovino.com mellorando notablemente a experiencia dos visitantes que desexan informarse a través dela.
- A través dun microsite “guias.concellodevaldovino.com” onde se presentará unha listaxe de mapas temáticos a disposición do público visitante.
- A través das redes sociais: poderanse difundir regularmente mapas interactivos sobre temáticas de interese para os visitantes e potencias visitantes.
No futuro poderanse plantexar novas aplicacións para os mapas: p.ex. Totems dixitais.
Obxectivos
Os principais obxectivos do proxecto son:
- Mellorar a experiencia turística dos visitantes, achegándolle información complementaria aos lugares que está a visitar e axudando a desprazarse polo territorio.
- Reter a aqueles visitantes que chegan a Valdoviño regularmente por algún dos seus polos de atracción (surf, praias, áreas de auto caravanas) para que coñezan outros recursos de interese do Concello, e favoreza o desenvolvemento económico deste.
- Incitar a que o potencial visitante de Valdoviño adique tempo a explorar, descubrir e comprender o seu patrimonio e recursos turísticos, aumentando o coñecemento dos valores turísticos do territorio.
- Axudar ao futuro visitante do concello de Valdoviño a planificar a súa futura viaxe polo destino.
- Atraer, a través da divulgación do seu patrimonio, a máis visitantes cara o concello.
- Crear sentimento de comunidade e orgullo no propio Valdoviño, ao dar a coñecer a grande cantidade e variedade de activos dos que dispón.
Documentos:
