- Galego
- Español
- English
Inscrición XXIV Andada a Santo André de Teixido
INSCRICIÓN PECHADA.
O Concello de Valdoviño organiza a XXIV edición da Andada a Santo André de Teixido para o sábado 27 de setembro. Desde o xoves 18 de setembro está aberta a inscrición para participar na mesma. A andada partirá do aparcadoiro situado fronte á Casa Joselito ás 8:00 h, e á chegada a San Andrés xantarase na contorna, namentras que o regreso realizarase en autocar sobre as 18:30 h. Haberá puntos de avituallamento no camiño, visitarase a Capela da Fame e farase parada en Porto do Cabo.
As prazas son limitadas, formalizándose por orde de inscrición, existindo dúas formas de inscrición:
- online -ata o 24 de setembro ás 14 h-, cubrindo o formulario dispoñible ao final desta mesma páxina. Unha vez enviado, a organización comunicará a inscrición a través dun correo electrónico, no que tamén se indicará o número de conta para realizar o pagamento. Unha vez realizado este, a persoa inscrita terá que enviar obrigatoriamente unha copia do recibo de pagamento ao enderezo electrónico que se lle indique. A cuota de participación é de 15 euros.
- presencialmente, na Casa da Cultura -ata o 24 de setembro, de luns a venres en horario de 10 a 13 h-, cun máximo de 3 inscricións por persoa. O pagamento realizarase na conta do Concello de Valdoviño na entidade bancaria que se indicará unha vez que se entregue a ficha de inscrición debidamente cumprimentada e asinada.
Se as inscricións non están correctamente realizadas ou non se envía o xustificante de pagamento nas datas e horarios establecidos, a persoa non se considerará inscrita. No caso de haber vacantes, o día 25, entre as 10:00 e as 13:00 horas, a organización chamará por teléfono ás persoas apuntadas en lista de espera.
O prezo de inscrición é de 15 euros. Non se devolverá o importe unha vez formalizada a inscrición. As inscricións están personalizadas, polo que a persoa que se dese de baixa non poderá transferir a súa inscrición a outra.
Os/as menores de idade poderán asistir a partir de 12 anos e deberán contar con autorización do pai/nai ou titor legal (enviando este formulario), así como ir acompañados/as dunha persoa adulta no caso de ter entre 12 e 14 anos. Se o menor abandonase a marcha, o adulto responsable tería que facerse cargo del.
Abandonos: as persoas que decidan abandonar a camiñada ou se atopen con algún imprevisto deberán porse en contacto con alguén da organización.
O Concello de Valdoviño NON FACILITARÁ ALIMENTACIÓN ESPECÍFICA para persoas con calquera tipo de alerxia ou intolerancia alimentaria.
Reportaxe fotográfica: as fotografías que fosen tiradas por parte do persoal responsable da organización serán publicadas nos medios de difusión e nas redes socias do Concello de Valdoviño.
Non se poden levar animais durante a andada, agás cans-guía.
O envío do seguinte formulario supón a aceptación voluntaria das condicións de desenvolvemento da andada, declarando a persoa inscrita estar na condición física adecuada para facer a mesma, eximindo de calquera responsabilidade que teña que ver coa súa saúde ao Concello de Valdoviño.
