Destacada participación do deportista local co combinado español na competición celebrada na República Checa

Valdoviño, 11 de outubro de 2021. Como integrante da selección española, o presidente da Asociación Deportiva Rodaballo de Valdoviño, Alberto López Redondo, vén de colgarse a medalla de bronce no VI Campionato do Mundo de Salmónidos Mosca Masters. Unha competición disputada na República Checa, onde o combinado español, tras meses de inactividade forzada pola covid-19, firmou unha gran participación. A checa, selección anfitriona, alzábase co trunfo, con Italia ocupando a segunda praza e, España, a terceira.

A competición disputouse ao longo de dous días, a catro mangas de tres horas, tres en río e unha en lagoa. As capturas válidas eran troita fario, troita arcoiris, tímalo, cacho e leucisco, cun tamaño mínimo por peza de 20 centímetros.