Este ano non se celebrará a Cabalgata pola situación sanitaria

Este ano, os Reis Magos de Oriente non serán alleos á nova normalidade imposta pola covid-19 e, para evitar riscos e minimizar contactos, substituirán a tradicional Cabalgata en Valdoviño por un encontro cos máis pequenos e pequenas da casa. Iso si, para participar nel, será preciso inscribirse previamente e o prazo ábrese hoxe. Pode facerse chamando ao teléfono 981 48 76 66 en horario de 11 a 14 horas ou enviando un correo electrónico a cultura@concellodevaldovino.com. O prazo remata o 4 de xaneiro ás 12 horas e, nos dous casos, é preciso sinalar nome e apelidos, concello de procedencia do/a neno/a, e nome do responsable que acompañará ao menor, xunto ao número de teléfono. 

O encontro cos Reis Magos celebrarase o 5 de xaneiro, unhas horas antes de que visiten os fogares, na Casa da Cultura e, en todo momento, seguirase un protocolo de prevención fronte ao coronavirus.