Aberta a inscrición para participar nos Fam Trips que organiza o Xeoparque Cabo Ortegal aos xeoparques Arouca (Portugal) e Villuerca-Ibores-Jara (Estremadura)
Están dirixidos a empresas, autonómos/as ou emprendedores e entidades vinculadas ao sector turístico e ao desenvolvemento territorial do noso territorio
Valdoviño, 17 de setembro do 2025. O Xeoparque Cabo Ortegal organiza dúas Fam Trips a Portugal e Estremadura para coñecer de primeira man boas prácticas, experiencias de xestión e iniciativas de turismo sostible noutros xeoparques recoñecidos pola UNESCO, así como establecer contacto directo con profesionais e entidades do sector. Estas experiencias terán as seguintes datas e destinos:
- Xeoparque Arouca (Portugal):do 30 de setembro ao 3 de outubro de 2025
- Xeoparque Villuercas-Ibores-Jara (Estremadura):do 6 ao 9 de outubro de 2025
E están dirixidas a:
- Produtores agroalimentarios vinculados ao turismo
- Profesionais autónomos ou emprendedores do sector
- Representantes de entidades locais e administracións implicadas na dinamización do territorio
- Persoal técnico e axentes do territorio ligados ao Xeoparque Cabo Ortegal
Así mesmo, terán prioridade as entidades e profesionais que participaron no proxecto de Creación de Experiencias Turísticas do Xeoparque Cabo Ortegal (PSTD Cabo Ortegal).
O número de prazas é limitado, e a inscrición debe realizarse a través dun FORMULARIO ONLINE.
As viaxes inclúen visitas técnicas, intercambio de boas prácticas, aloxamento e manutención, e os desprazamentos, nos dous casos, realizaranse en autobús desde Cedeira.
Esta acción inclúese no marco do Plan de Sostibilidade Turística do Xeoparque Cabo Ortegal, promovido pola Deputación da Coruña e financiado polo Plan de Recuperación, Transformación e Resiliencia da Unión Europea – Next GenerationEU.
