Aberta a inscrición no seminario intensivo de defensa persoal feminina que organizará a Deputación no pavillón municipal O Longoiro

Está dirixido a mulleres de entre 12 e 70 anos, e é gratuíto

Valdoviño, 2 de xaneiro do 2025. Valdoviño acollerá un dos seminarios intensivos de defensa persoal feminina que organiza a Deputación Provincial da Coruña. Dirixido a mulleres de idades comprendidas entre os 12 e os 70 anos, celebrarase no pavillón municipal O Longoiro o 8 de febreiro, cunha duración de tres horas, de 10:00 a 13:00 horas. A actividade é gratuíta, e as prazas son limitadas. 

A institución provincial abre hoxe o prazo de inscrición no seminario, que impartirá a Escola de Defensa Persoal e Policial HKF, e deberá realizarse cubrindo o formulario online habilitado ao efecto (https://www.dacoruna.gal/deportes/seminario-intensivo-defensa-persoal-femenina/) ou presencialmente no departamento municipal de Deportes, na primeira planta da casa consistorial. O prazo manterase ata o 4 de febreiro ou ata completar prazas.