Reunión de traballo para valorar as posibilidades de desenvolvemento de proxectos que xeren emprego e crecemento económico

Valdoviño, 26 de novembro de 2021. A xerente da sociedade estatal Suelo Empresarial del Atlántico, Beatriz Sestayo e o alcalde de Valdoviño, Alberto González, reuníronse esta mañá no  Concello para analizar a dispoñibilidade de solo empresarial da comarca e as posibilidades de desenvolvemento de proxectos que xeren emprego e crecemento económico.

Beatriz Sestayo subliñou o valor estratéxico da comarca e, en concreto, de Valdoviño, para atraer investimentos e xerar novas oportunidades empresariais, e destacou a proactividade do  Concello e do equipo de goberno.

A xerente informou ao rexedor e aos concelleiros das demandas expostas por diferentes sectores empresariais, co obxectivo de establecer sinerxias e vías de colaboración entre as distintas administracións.

No encontro participaron tamén Benito Vega, edil de Obras, e Germán Gómez, concelleiro de Servizos.

A reunión enmárcase na folla de rurta establecida pola sociedade estatal, dependente do Ministerio de Transportes, para coñecer as posibilidades que ofrecen as distintas comarcas de Galicia para xerar emprego, investimentos e desenvolvemento socio económico e integralas no futuro Plan Estratéxico da entidade.