Os partidos disputaranse entre as 10:00 e as 16:00 horas

 Valdoviño, 22 de setembro do 2023. A praia da Frouxeira será escenario este sábado da III edición do Torneo de Tenis Praia Concello de Valdoviño-Escuela de Tenis Justo al Revés. Un evento deportivo que arrancará ás 10:00 horas co concurso de 20 parellas. Así, os afeccionados a este deporte poderán seguir a competición ata primeira hora da tarde, xa que se prevé que os partidos se celebren de forma ininterrompida ata as 16:00 h. Xogarase na modalidade de dobres e nas categorías absoluta e xuvenil.

Inicialmente estaba previsto que o torneo se disputase no mes de xullo, pero razóns de carácter técnico primeiro e as adversas previsións meteorolóxicas despois obrigaron ao Concello a aprazar ata en dúas ocasións a cita.